Mikaela Lois Banal

Claro M. Recto Information and Communication Technology High School

Doña Aurora St., Claro M. Recto, Angeles City

Telephone #(045) 887 5502

E-mail Add: cmricthsangelescity@yahoo.com             Website: www.cmricthsangeles.tk

Name:  Mikaela Lois Banal

Year and Section: 9-Hopper

Topic: Asyano ako! Pinagmamalaki ko!

“Asyano ako, Ipinagmamalaki ko”

                    Paano ko nga ba maipagmamalaki ang aking pagiging asyano? Ano-ano kaya ang mga pwedeng maipagmalaki sa ibang tao? Sa dami ng mga asyano sa buong mundo at sa lawak at laki ng Asya ay masasabi kong marami ang dapat ipagmalaki ng isang asyano tulad ko.

                    Ang Asya ang pinakamalawak at pinakamalaking kotinente sa buong mundo na kung saan ay kabilang ang mga mauunlad at papaunlad na bansa. Una na rito ang bansang Japan na kung saan sila ay nakabangon matapos ang isang malupit na trahedya na gumising sa kanila upang sila ay magkaisa at magtulungan sa oras ng kagipitan at kapahamakan. Ikalawa ang bansang Korea na maunlad sa larangan ng teknolohiya kultura, ekonomiya at sa kanilang  musika at pagarte na kilala sa buong mundo. Ikatlo ang aking bansang Pilipinas na biniyayaan ng magagadang lugar at tanawin tulad ng Banaue Rice Terraces, Underground River, Boracay, Rizal Park, Vigan, Hundred Islands at marami pang iba. Magaling din ang mga Pilipino sa larangan ng Sports tulad ni Manny Pacquiao na nagbigay karangalan sa Pilipinas dahil sa galing niya sa larangan ng boxing at ang Gilas Pilipias na magaling sa larangan ng basketball na nagbigay karangalan sa katatapos na World Cup. Kahit hindi sila ang nag kampeon, tayo parin ang bansang nanalo sa dami ng mga taga suportang Pilipino. Tayo ay maunlad sa kultura at tradisyon, pati na rin sa larangan ng pagarte at musika ay kilala tayo sa buong mundo.

                  Masasabi ko na ngang marami akong maipagmamalaki bilang isang asyano. Maihahalintulad ko ang Asya sa isang magandang paraiso dahil sa mga magagandang lugar at tanawin na ipinagkaloob sa ating mga asyano. Hinding hindi ko ikakahiya ang aking bansang kinagisnan dahil dito ako lumaki at dito nabuo ang aking pagkatao.